An-nuur Na. 157

AN-NUUR Na.157 Rabi' Awal 1419, Julai 10 - 16, 1998

. AN-NUUR marufuku gerezani?

Na Mwandishi Wetu

MAGEREZA ya Keko na Segerea yamedaiwa kuzuia gazet la ANU-NUUR kuingia gerezani kwa sababu zisizofahamika.

Watuhumiwa walioachiwa hivi karibuni wamesema kwamba walipokuwa mahabusu katika magereza hayo waliruhusiwa kupokea magazeti yote kutoka kwa jamaa zao ispokuwa AN-NUUR .

"Hata magazeti ya Kiongozi na Msema Kweli yanaruhusiwa gerezani lakini AN-NUUR haliruhuisiwi", wamedai watuhumiwa hao.

Haikuelezwa sababu hasa za kuzuiliwa gazeti hili gerezani lakini habari ambazo hazikuweza kuthibitishwa zimefahamisha kwamba baadhi ya maaskari wamesikika wakisema kuwa AN-NUUR gazeti la uchochezi na kwamba linapigwa marufuku.

Jitihada za kuwaona wahusika wakuu wa magereza hayo kuhusiana na suala hili, hazikuweza kufanikiwa.

Waislamu Karagwe wadai kusalishwa na imamu asiyejua kutawadha

Na. Abu Abdallah

WAISLAMU wa Kata ya Kituntu, Wilaya ya Karagwe, Mkoani Kagera wameilalamikia ofisi ya BAKWATA Mkoa wa Kagera kufuatia kitendo cha ofisi hiyo ikishirikiana na ofisi ya Wilaya kuwachagulia viongozi wanaodai hawajui hata kutawadha na kusoma suratul fatiha.

Alipohojiwa na mwandishi wa habari hizi uchaguzi huo ulizingatia vigezo gani. Mmoja wa viongozi wa BAKWATA ajilibu kuwa waliochaguliwa ni BAKWATA damu.

Waumini wa Karagwe wamedai wapo katika hatua za mwisho kuwakilisha malalamiko yao kwa Mufti wa BAKWATA Sheikh Hemed Bin Jumaa bin Hemed Jumaa.

Ofisi mpya za Rabita

Na Mwandishi Wetu

OFISI za Rabita - Muslim World League (Tanzania) zimehamia katika ofisi za International Islamic Releaf Organization (IIRO) MTAA WA Uhuru na Congo.

Hatua hii inafuatia kuteuliwa kwa Alhaj Hassan Mnjeja kuwa mkurugenzi mpya wa Ratiba (T).

Sheikh Muhammad Rukara Khalfan, mkurugenzi wa zamani amehamishiwa Gabon.